Миле Корубин (1922-2000)
Миле Корубин е роден 1922 година во Прилеп.
1951 Дипломирал на Академијата за ликовни уметности во Белград.
1963-64 Специјализација во Париз, како стипендист на Француската влада.
1956-72 Работел како професор и директор на Училиштето за применета уметност во Скопје
Накусо дефиниран, творечкиот корпус на Корубин се сведува на ненаметлив и одмерен ракопис, без реторички шум. Едноставно и непретенциозно ова сликарство е посветено на топлиот лиризам, меланхолија, привлечноста на езотеричното и егзотеричното, на сензуалноста на претставата. Пејзажот, човечкото тело и просторот, видливото и невидливото, едноставното и природното се проникнуваат на едно хроматско поле, без да иницираат големи прашања или недоумици. Птицата, жената, куќата, небеското тело, квадратот, кругот не се изделени од просторот на сликарското платно. Најчесто слика во студено-топол контраст со многу поедноставни изразни средства и крајно поедноставена постапка на елиминирањето детали. Добитник е на многу награди и признанија