Теофил Шулајковски-Тофе (1934-2009)
Теофил Шулајковски-Тофе е роден 1934 година, во Дебар, Македонија.
Училиште за применета уметност завршил во Скопје, дипломирал на Педагошката академија, а потоа и на Филозофскиот Факултет во Скопје. Остварил студиски престој во Франција, Германија, Италија и Грција. Член е на ДЛУМ од 1966 година. Првата самостојна изложба ја реализирал во 1957 година, во родниот град Дебар. Своите дела ги изложувал во речиси сите градови на Македонија, во градовите во поранешната југословенска држава СФРЈ (Белград, Загреб, Нови Сад, Врање, Параќин, Крагуевац, Земун, Титоград) и во градовите, надвор од југословенските простори, како Офенбах, Франфуркт, Нинберг, Дизелдорф (Германија) , Амстердам и Ротердам (Холандија), Малме (Шведска), Кастровилари, Ренде, Роџере во Италија. Реализирал шеесетина самостојни а учесвувал на повеќе од осумдесет групни домашни и меѓународни изложби.
Добитник е на наградите:
1979 - Награда “13 Ноември“ што ја доделува Град Скопје за сликарство.
1984 - “Димитар Пандилов“ - награда што ја доделува ДЛУМ за сликарство - мал формат.
1984 –“Лазар Личеноски“ - награда што ја доделува ДЛУМ за сликарство.
1985 - Награда на Уметничка галерија - Скопје
1985 - Медал на градот Кастровилари (Италија)
1986 - Плакета на градот Кастровилари (Италија)
1986 - Посебна награда од Собранието на град Скопје на Првото биенале на македонскиот акварел.
1987 - „ЛИКУМ“ - награда за сликарство доделена од Авторската агенција на Македонија.
1996 – “Вангел Коџоман“ за најуспешна изложба.
Неговите дела се дел од збирките на приватните колекционери, општествени организации, галерии во многу градови во Македонија, поранешните југословенски републики, но и во Англија, Австрија, Германија, Италија, Чехословачка, Швајцарија, Полска, Франција, Кина, САД, Австралија, Јужна Кореја, Холандија, Шведска, Турција и СССР.