Вангел Коџоман (1904-1994)
Роден 14.02.1904 година во Струга.
Вангел Коџоман и припаѓа на генерацијата сликари-пионери, , кои во Македонија помеѓу двете светски војни, а особено после ослободувањето силно придонесува за афирмација на македонското современо ликовно творештво како и за создавањето нови кадри, затоа и се смета за еден од основоположниците на современата македонска уметност
1924-Се запишува на државната Уметничка школа во Белград, а потоа и двегодишен академски курс кај проф. Милан Миловановиќ, а посетувал и часови кај Б. Вукановиќ и Љ. Ивановиќ.
1931-Работел како ликовен педагог во Охридската гимназија, поставувајќи ги основите на ликовната педагогија во Македонија.
1938-1945 Работел како професор по ликовно воспитување во Белград
1945-1952 Работел како ликовен професор во Училиштето за применета уметност во Скопје
Коџоман е еден од основачите на Друштвото на ликовни уметници на Македонија во Скопје, и долгогодишен член на управата.
1952-Започнал да работи како професор на Педагошката школа во Скопје, каде предавал до 1972 година, сликарство и методика на ликовното воспитување. Основач на ликовната група при Педагошката школа во Скопје и учител на повеќе генерации млади македонски уметници и ликовни педагози кои денес дејствуваат во државата.
1955-1956 Студиски престој во Париз
1969- Добитник на Октомвриската награда на Македонија за животно дело.
1972-Скопје, ја отворил тематската изложба “Старата скопска чаршија”. Се пензионира. Го добива почесното звање на заслужен ликовен педагог на Југославија
1974- Струга е отворена постојаната тематска изложба “Струга во минатото”, сместена во спомен куќата на Вангел Коџоман
1975-Добитник на Ноемвриската награда на градот Струга, истата година станал дописен член на МАНУ, а од 1981 година и нејзин редовен член.
1979-Наградата АВНОЈ за општо значење за развитокот на СФРЈ во областа на ликовната уметност.
1981-Добитник на наградата “13 Ноември” на град Скопје за тематската изложба “26 јули 63”
Вангел Коџоман се смета како сликар на македонскиот пејзаж и македонскиот човек, работејќи во духот на академскиот реализам и постимпресионистичка постапка, формирајќи го своето сликарство на искуствата на интимизмот, социјалната уметност, како и на кубизмот, фовизмот и експресионизмот.